തിരുവനന്തപുരം: സ്കൂൾ ബസ്കയറിയിറങ്ങി രണ്ടാം ക്ലാസ് വിദ്യാർഥിനിക്ക് ദാരുണാന്ത്യം.മടവൂർ ഗവൺമെന്റ് എൽ.പി.എസിലെ കൃഷ്ണേന്ദു (7) ആണ് മരിച്ചത്. മണികണ്ഠൻ, ശരണ്യ എന്നിവരുടെ മകളാണ്.
സ്കൂൾ ബസ് ഇറങ്ങി മുന്നോട്ടു നടന്ന പെൺകുട്ടി കാൽ തട്ടി റോഡിൽ വീഴുകയായിരുന്നു. ഇതോടെ കുട്ടി ഇതേ ബസ്സിന് അടിയിൽ പെടുകയും ചെയ്തു. പെൺകുട്ടി മുന്നിൽ വീണത് ഡ്രൈവർക്ക് കാണാൻ കഴിഞ്ഞിരുന്നില്ല.
പരിക്കേറ്റ കുട്ടിയെ ഉടൻ മെഡിക്കൽകോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.നിലവിൽ പാരിപ്പള്ളി മെഡിക്കൽ കോളേജിലാണ് കുട്ടിയുടെ മൃതദേഹമുളളത്.
