റോസാപുഷ്പങ്ങളിൽ നിന്നാണ് റോസ്വാട്ടർ ഉണ്ടാക്കുന്നത്, ഇതിന് സൗന്ദര്യ സംരക്ഷണത്തിനും ആരോഗ്യപ്രവർത്തനത്തിനും നിരവധി ഗുണങ്ങൾ ഉണ്ട്.
നൂറ്റാണ്ടുകളോളം മുമ്പ് ഒരു പേർഷ്യൻ ശാസ്ത്രജ്ഞൻ റോസ്വാട്ടർ കണ്ടുപിടിച്ചിട്ടുണ്ടെന്ന് പറയുന്നു. റോസ്വാട്ടർ ചർമ്മത്തെ മിനുസപ്പെടുത്താനും കണ്ണുകൾക്ക് ഊഷ്മളത നൽകാനും സഹായകമാണ്. ഇത് ഒരു ഓർഗാനിക് ക്ലെൻസർ ആയി ഉപയോഗപ്പെടുകയും മലിനീകരണവും പൊടിയും മൂലമുണ്ടാകുന്ന കണ്ണുകളുടെ അസ്വസ്ഥത കുറയ്ക്കാൻ സഹായിക്കുകയും ചെയ്യുന്നു. കണ്ണുകളുടെ സംരക്ഷണത്തിന് വൈദ്യവിധിപ്രകാരം നിർമ്മിച്ച ഗുണനിലവാരമുള്ള റോസ്വാട്ടർ മാത്രമേ ഉപയോഗിക്കേണ്ടതായിരിക്കൂ.
പരമ്പരാഗത വൈദ്യന്മാർ റോസ്വാട്ടർ മലബന്ധം, തൊണ്ടയിലെ അണുബാധ തുടങ്ങിയ രോഗങ്ങൾക്ക് ഉപയോഗിച്ചിരുന്നത്. ഇത്തരത്തിൽ, കണ്ണുകളുടെ സംരക്ഷണത്തിനും ഇത് എത്രമാത്രം ഫലപ്രദമാണ് എന്ന് പഠനം നടത്തിയപ്പോൾ, ഇത് ആൻറി-ഇൻഫ്ലമേറ്ററി, ആൻറിഹിസ്റ്റമിൻ ഗുണങ്ങൾ ഉള്ളതായി കണ്ടെത്തിയിട്ടുണ്ട്. ഒരു ഹെർബൽ ഐ ഡ്രോപ്പ് എന്ന നിലയിൽ ഉപയോഗിക്കാൻ കഴിയുന്ന രീതിയിലുള്ള റോസ്വാട്ടർ കണ്ണുകളിലെ വീക്കം, ഡീജനറേറ്റീവ്, അണുബാധകൾ തുടങ്ങിയ പ്രശ്നങ്ങൾക്ക് ഫലപ്രദമാണ്.
ഉറക്കക്കുറവ്, സമ്മർദ്ദം എന്നിവ മൂലമുണ്ടാകുന്ന കറുത്ത നിറം മാറാൻ റോസ്വാട്ടർ സഹായകമാണ്. 3 ടേബിൾസ്പൂൺ തണുത്ത പാലും പനിനീരും ചേർത്തു, കോട്ടൺ ബോൾ മുക്കി കണ്ണിനു ചുറ്റും 30 മിനിറ്റ് വയ്ക്കുക. ഇതിലൂടെ കണ്ണിനു ചുറ്റുമുള്ള ഇരുണ്ട നിറം കുറയ്ക്കാം.
നീണ്ട യാത്രയ്ക്ക് ശേഷം അല്ലെങ്കിൽ ഡെസ്ക്ടോപ്പിൽ ദീർഘനേരം ജോലി ചെയ്തതിനെ തുടർന്ന് കണ്ണുകളിൽ സമ്മർദ്ദം അനുഭവപ്പെടുകയാണെങ്കിൽ, വെള്ളത്തിൽ കുറച്ച് റോസ്വാട്ടർ ചേർത്ത് കണ്ണും മുഖവും കഴുകുക. ഇത് കണ്ണിൻ്റെയും ചർമ്മത്തിൻ്റെയും സമ്മർദ്ദം നീക്കാൻ സഹായിക്കും.
യാത്രകൾ എന്നിവയിൽ മുഖത്തും കണ്ണിലും പൊടി പടലങ്ങൾ അടിഞ്ഞു കൂടുന്നു. സാധാരണ വെള്ളം ഉപയോഗിച്ച് പൊടി നീക്കാൻ ബുദ്ധിമുട്ടാണ്. ഉറങ്ങുന്നതിന് മുൻപായി കണ്ണുകളിൽ റോസ്വാട്ടർ ചേർത്ത് ചെറുതായി തിരുമ്മുക. ശേഷം മുഖം സാധാരണ വെള്ളത്തിൽ കഴുകുക. ഇത് കണ്ണുകളിലെ പുകച്ചിൽ, എരിച്ചിൽ, ചൊറിച്ചിൽ എന്നിവ ശമിപ്പിക്കും.
കണ്ണുകൾക്ക് വിശ്രമം നൽകാൻ റോസ്വാട്ടർ മികച്ചതാണ്. ഇതിന്, കണ്ണുകളിൽ റോസ്വാട്ടർ ഒഴിച്ച് 2-3 മിനിറ്റ് കണ്ണടച്ചുകിടക്കുക. കൂടാതെ, കണ്ണിനു മുകളിൽ രണ്ട് കുക്കുമ്ബർ കഷണങ്ങൾ വയ്ക്കുന്നത് കൂടുതൽ ഗുണകരമാണ്.
