തിരുവനന്തപുരം: സംസ്ഥാനത്തെ മൂന്ന് ജില്ലകളില് ഒറ്റപ്പെട്ടയിടങ്ങളില് ശക്തമായ മഴയ്ക്കും കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ഇടുക്കി, എറണാകുളം, തൃശൂർ ജില്ലകളില് മണിക്കൂറില് 50 കിലോമീറ്റര് വരെ വേഗതയിലുള്ള കാറ്റും ശക്തമായ മഴയും അനുഭവപ്പെടാം.
താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്, മണ്ണിടിച്ചില്, വെള്ളക്കെട്ട് എന്നിവയ്ക്കും സാധ്യതയുണ്ടെന്ന് അധികൃതര് മുന്നറിയിപ്പ് നല്കി.
മധ്യ കിഴക്കന് അറബിക്കടല് മുതല് മാലിദ്വീപ് വരെ 0.9 കിലോമീറ്റര് ഉയരത്തില് രൂപപ്പെട്ട ന്യുനമർദ്ദ പാത്തിയുടെ സ്വാധീനത്തിലാണ് കേരളത്തില് ശക്തമായ മഴ പ്രതീക്ഷിക്കുന്നത്.
പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട് ജില്ലകളില് ഓറഞ്ച് അലർട്ട് പ്രഖ്യാപിച്ചിരിക്കുകയാണ്. തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ, പാലക്കാട്, കണ്ണൂര്, കാസര്ഗോഡ് ജില്ലകളില് മഞ്ഞ അലർട്ടും നല്കിയിട്ടുണ്ട്.
