ദില്ലി: ടോൾ പിരിവ് ചട്ടങ്ങൾ കർശനമാക്കി മോട്ടോർ വാഹന ചട്ടത്തിൽ കേന്ദ്രസർക്കാർ ഭേദഗതി വരുത്തി. ടോൾ കുടിശ്ശികയുള്ള വാഹനങ്ങൾക്ക് കർശന നിയന്ത്രണങ്ങൾ ഏർപ്പെടുത്തിയുള്ള ഭേദഗതിയാണ് കൊണ്ടുവന്നിരിക്കുന്നത്. ടോൾ കുടിശ്ശിക തീർപ്പാക്കാത്ത വാഹനങ്ങൾക്ക് ഇനി മുതൽ ഫിറ്റ്നസ് സർട്ടിഫിക്കറ്റ്, ഉടമസ്ഥാവകാശ കൈമാറ്റം, നാഷണൽ പെർമിറ്റ് തുടങ്ങിയ പ്രധാന സർക്കാർ സേവനങ്ങൾ നൽകില്ലെന്നാണ് കേന്ദ്ര ഉപരിതല ഗതാഗത മന്ത്രാലയം പുറത്തിറക്കിയ പുതിയ ഭേദഗതിയിൽ പരാമർശിക്കുന്നത്.
. ഇതിനായി കേന്ദ്ര മോട്ടോർ വാഹന ചട്ടങ്ങളിൽ മാറ്റം വരുത്തിക്കൊണ്ട് സെൻട്രൽ മോട്ടോർ വെഹിക്കിൾസ് റൂൾസ് 2026 വിജ്ഞാപനം ചെയ്തു.
ഫാസ്ടാഗ് വഴിയുള്ള ടോൾ പിരിവ് കൂടുതൽ കാര്യക്ഷമമാക്കുന്നതിനും കുടിശ്ശിക വരുത്തി ടോൾ പ്ലാസകൾ വെട്ടിച്ച് കടന്നുകളയുന്ന പ്രവണത തടയുന്നതിനുമാണ് ഈ നടപടി. വാഹന കൈമാറ്റത്തിനായി അപേക്ഷിക്കുന്നവർ കുടിശ്ശികയില്ലെന്ന് കാണിക്കുന്ന സത്യവാങ്മൂലം മറ്റ് രേഖകളോടപ്പം സമർപ്പിക്കേണ്ടി വരും. ഇതോടെ ടോൾ കുടിശ്ശികയുള്ള വാഹനങ്ങൾക്ക് ഇനിമുതൽ ആർ ടി ഒ സേവനങ്ങൾ തടസ്സപ്പെടും
