ഗുവാഹത്തി: മൂന്നാം ട്വന്റി ട്വന്റി മത്സരത്തിൽ ഇന്ത്യ ന്യൂസിലന്ഡിനെതിരെ എട്ട് വിക്കറ്റിന്റെ തകര്പ്പന് ജയം കൈവരിച്ചു . ന്യൂസിലന്ഡ് ഉയര്ത്തിയ 153 റണ്സ് മറുപടി ബാറ്റിങ്ങില് ഇന്ത്യ വെറും 10 ഓവറില് രണ്ട് വിക്കറ്റ് മാത്രം നഷ്ടത്തില് മറികടന്നു.
ട്വന്റി ട്വന്റി യില് വേഗത്തില് അര്ധ സെഞ്ചുറി പൂര്ത്തിയാക്കുന്ന രണ്ടാമത്തെ ഇന്ത്യന് താരമായി അഭിഷേക് ശര്മ. ന്യൂസിലന്ഡിനെതിരെ മൂന്നാം ട്വന്റി ട്വന്റി യില് 14 പന്തില് നിന്നാണ് താരം അര്ധ സെഞ്ചുറി പൂര്ത്തിയാക്കിയത്. അഭിഷേകിന്റെ ബാറ്റിംഗ് കരുത്തില് ഇന്ത്യ എട്ട് വിക്കറ്റ് ജയം സ്വന്തമാക്കുകയും ചെയ്തു. അഭിശേക് (20 പന്തില് പുറത്താവാതെ 68), സൂര്യകുമാര് യാദവ് (26 പന്തില് പുറത്താവാതെ 57) എന്നിവരുടെ ഇന്നിംഗ്സുകളാണ് ഇന്ത്യയെ വിജയത്തിലേക്ക് നയിച്ചത്. ഇതോടെ പരമ്പരയും ഇന്ത്യ സ്വന്തമാക്കി. ഗുവാഹത്തി, ബര്സപര ക്രിക്കറ്റ് സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ന്യൂസിലഡ് ഒമ്പത് വിക്കറ്റ് നഷ്ടത്തില് 153 റണ്സാണ് നേടിയത്.
പവര് പ്ലേയില് തന്നെ ഇന്ത്യ 94 റണ്സ് അടിച്ചെടുത്തിരുന്നു. പവര് പ്ലേയില് ഇന്ത്യയുടെ ഏറ്റവും ഉയര്ന്ന രണ്ടാമത്തെ സ്കോര് കൂടിയാണിത്. ആദ്യ പന്തില് തന്നെ ഇന്ത്യക്ക് സഞ്ജു സാംസണിന്റെ (0) വിക്കറ്റ് നഷ്ടമായിരുന്നു. മാറ്റ് ഹെന്റിയുടെ പന്തില് വിക്കറ്റിന് മുന്നില് കുടുങ്ങുകയായിരുന്നു താരം. പിന്നാലെ ഇഷാന് കിഷന് (13 പന്തില് 28) – അഭിഷേക് സഖ്യം 53 റണ്സ് കൂട്ടിചേര്ത്തു. നാലാം ഓവറിലാണ് കൂട്ടുകെട്ട് പൊളിയുന്നത്. കിഷനെ ഇഷ് സോധി മടക്കി. എന്നാല് അഭിഷേകിന്റെ ഇന്നിംഗ്സ് ഇന്ത്യയെ മുന്നോട്ട് നയിച്ചു. കൂടെ സൂര്യകുമര് യാദവിന്റെ പിന്തുണ കൂടിയായപ്പോള് ഇന്ത്യക്ക് വിജയം അനായസം കൈവരിക്കാൻ കഴിഞ്ഞു.
